Monday, May 4, 2009

الدين و الناخبين


طبعاً الكل سمع يوتوب أسيل العوضي و الكلام إللي قالته .. و إلى الآن ما سمعنا نفي منها شخصياً خصوصاً انها تحب تتواصل مع المدونات بشكل شخصي (وقت الانتخابات طبعاً فقط لا غير)...
المهم أنا شخصياً أرفض الكلام اللي قالته جملةً و تفصيلا (على إعتبار إنه صادر منها)..لكن اللي صج ضايقني أكثر إن فيه ناس تدافع عنها و عن حريتها في الكلام على إعتبار انها دكتورة فلسفة و كيفها..و فيه ناس تدافع عنها ليس حباً فيها لكن كرهاً بالدين. و فيه ناس تدافع عنها كرهاً بحدس (أنا أكرهم أكثر منكم)، و فيه ناس تدافع عنها على إعتبار إنها أنثى و يبونها توصل المجلس غصب طيب و فيه ناس تقول إنه كلام انقال بمحاضرة لطالبات (يعني مو مكان عام؟!؟! طبعاً هالكلام يفتقد المنطق)

يا اخوان، ترى المسألة ماهي مسألة مرشحة و كلام قالته و خلاص..الموضوع أكبر من جذي.. إذا استسهلنا التطاول على الدين من فلان و علان شيبقالنه؟!؟إذا مافينا غارية على دينا و أمهاتنا شنو فينا اللي يسوى إنغار عليه ؟!؟ أنا لا همتني هي ولا حدس ولا غيرهم، بس اللي همني أمهاتنا و دينا ... يا ناس لا تسترخصون أنفسكم، ترى دينكم عزكم و عزوتكم .. لا نصير لعبه بيد هالمرشح ولا ذاك، ترى إذا هذي طريقتهم بلعب السياسة، أنا أقول خل كرامتك و عزك عندك و خل المرشح/المرشحة يولون و لابوهم لابو سياستهم فوقهم..و هذا الكلام ينطبق على الجميع ...يعني مافي مرشح منزه، لا السعدون، ولا مسلم، ولا الراشد ولا ولا ولا ... كلهم يفترض فيهم انهم يكونون قدوة حسنة و ما يسترخصون دينا و ديرتنا..
في الختام ما أقول إلا

لاحول ولا قوة إلا بالله و حسبي الله و نعم الوكيل

2 comments:

  1. لاحول ولاقوة الا بالله

    للاسف ياخوك مافيهم غاريه على دينهم


    جان زين فيه ربع غاريتهم على أسيل على الدين



    وعلى فكره اسيل العوضي اعترفت ببيانها للجرايد اليوم ان التسجيل الصوتي لها

    لكن بررت انه ماده الفكر النقدي وتطرح اراء مخالفه وجذيه


    لكن كل هالترقيع

    مايبرر كلامهااااا


    يعطيك العافيه

    ReplyDelete
  2. العزيز Q8i:

    شفت بيانها و كان مثل مايقولون"عذر أقبح من ذنب"..يعني هدت كل الأمثلة و ما لقت إلا أمهاتنا تستخدمهن كمثال! والله عيب عليها اتقول إلي قلتة، لو صج كانت تملك الشجاعة جان على الأقل تعتذر عن كلامها و تستغفر ربها.. بس ماميش ، و إن لم تستحي، فافعل ماشئت

    ReplyDelete