مقالة الكاتب محمد الجاسم اليوم تستحق القراءه والتمعن فيها. طبعاً الكاتب يطرح وجهة نظرة أو تصوره للوضع و ترشيحاته لمنصب رئيس مجلس الوزراء ..
في البداية، الجميع متفق على أن الدستور واضح و صريح بهالجزئية وهي أن للامير ألحق الكامل في إختيار من يراه مناسب لهذا المنصب. هذا ما عليه خلاف..
ودي أوضح شي معين، جابر المبارك لا يستحق، اكرر، لا يستحق أي منصب رسمي(و الله يرحم الشيخ سعد اللي قعدة ببيته بعد تصريحه المشؤوم بالغزو عن الصامدين)..شخص مااحترم الناس اللي رزتة و خلته بني آدم، ما يستحق الاحترام. هذا غير ان مواقفه من الدستور واضحه و معلنه من قبلة شخصياً من خلال تصريحاته اللي إتأيد و ما تنفي التسريبات اللي اتصير عن اجتماعات الاسرة..
ناصر صباح الأحمد، شخصية تميل للجماعات اللبرالية و محسوب منهم و فيهم .. لكن، ناصر صباح الأحمد له كلمة مشهورة(فيه شهود) إنه قال"أنا راح أحكم و أبي أصير ولي عهد على طول، مابي أصير وزير و هالاشكال"يعني أعضاء المجلس" يستجوبوني، ما بقى إلا إعوير وزوير يستجوبوني أنا)....هذا كلامه شخصياً و كان فيه معاه أربع أشخاص يعتبرون من اللبراليين المخضرمين بالكويت، واحد منهم أهو اللي قال هالكلام و ربنا شهد فوقي.
أحمد فهد الأحمد: ما راح أقول شي عنه لان كروته محترقة من زمان، ولا اكو شخص أعلن إفلاسه، يحطونه وزير نفط تالي يصير مليونير؟
سعود الناصر، شخص غير مرغوب فيه من النظام و كفاية جذي، الكل فاهم..
الشيخ محمد صباح السالم: إذا يبونة يحترق و مايصير أمير بالمستقبل، يحطونه رئيس مجلس الوزراء.
محمد الخالد: شخصياً ما أعرف عنه الشيئ الكثير، بس اللي أعرفهم بالداخلية أيام ما كان وزيرها كانوا يقولون عنه أشياء مو زينة. الله العالم..
أنا قلت رأيي من زمان عن هالسالفة، رئيس مجلس الوزراء عندنا بالكويت أصبح من جم سنة منصب شكلي ليس إلا. البلد تقاد بشكل فردي(تقريباً) و الرئيس لا يهش ولا ينش.. و هذا اللي خلى ناصر المحمد يعمر خمس او ست وزارات(نسيت والله من كثرهم)، ناصر المحمد ماله كلمة، او إذا بسوي شي سأل عمامة و أهوم يمشونه، روح يمين ، تعال يسار...
المراد، أنا ودي إن الاسرة تتفق فما بينها و يحطون مصلحة البلد فوق كل شي و يتجاوزون خلافاتهم الشخصية، ترى إذا البلد راحت، يعني ماكو رزة ولا هيبة لحد، ترى الديرة عازة الكل و الله لاأيب اليوم اللي نقول فيه لعيالنا، أول يوم كنا بالكويت.....
الله يعزج يا ديرتنا و يوفق حكامنا لما فيه خير لج.. آمين
في البداية، الجميع متفق على أن الدستور واضح و صريح بهالجزئية وهي أن للامير ألحق الكامل في إختيار من يراه مناسب لهذا المنصب. هذا ما عليه خلاف..
ودي أوضح شي معين، جابر المبارك لا يستحق، اكرر، لا يستحق أي منصب رسمي(و الله يرحم الشيخ سعد اللي قعدة ببيته بعد تصريحه المشؤوم بالغزو عن الصامدين)..شخص مااحترم الناس اللي رزتة و خلته بني آدم، ما يستحق الاحترام. هذا غير ان مواقفه من الدستور واضحه و معلنه من قبلة شخصياً من خلال تصريحاته اللي إتأيد و ما تنفي التسريبات اللي اتصير عن اجتماعات الاسرة..
ناصر صباح الأحمد، شخصية تميل للجماعات اللبرالية و محسوب منهم و فيهم .. لكن، ناصر صباح الأحمد له كلمة مشهورة(فيه شهود) إنه قال"أنا راح أحكم و أبي أصير ولي عهد على طول، مابي أصير وزير و هالاشكال"يعني أعضاء المجلس" يستجوبوني، ما بقى إلا إعوير وزوير يستجوبوني أنا)....هذا كلامه شخصياً و كان فيه معاه أربع أشخاص يعتبرون من اللبراليين المخضرمين بالكويت، واحد منهم أهو اللي قال هالكلام و ربنا شهد فوقي.
أحمد فهد الأحمد: ما راح أقول شي عنه لان كروته محترقة من زمان، ولا اكو شخص أعلن إفلاسه، يحطونه وزير نفط تالي يصير مليونير؟
سعود الناصر، شخص غير مرغوب فيه من النظام و كفاية جذي، الكل فاهم..
الشيخ محمد صباح السالم: إذا يبونة يحترق و مايصير أمير بالمستقبل، يحطونه رئيس مجلس الوزراء.
محمد الخالد: شخصياً ما أعرف عنه الشيئ الكثير، بس اللي أعرفهم بالداخلية أيام ما كان وزيرها كانوا يقولون عنه أشياء مو زينة. الله العالم..
أنا قلت رأيي من زمان عن هالسالفة، رئيس مجلس الوزراء عندنا بالكويت أصبح من جم سنة منصب شكلي ليس إلا. البلد تقاد بشكل فردي(تقريباً) و الرئيس لا يهش ولا ينش.. و هذا اللي خلى ناصر المحمد يعمر خمس او ست وزارات(نسيت والله من كثرهم)، ناصر المحمد ماله كلمة، او إذا بسوي شي سأل عمامة و أهوم يمشونه، روح يمين ، تعال يسار...
المراد، أنا ودي إن الاسرة تتفق فما بينها و يحطون مصلحة البلد فوق كل شي و يتجاوزون خلافاتهم الشخصية، ترى إذا البلد راحت، يعني ماكو رزة ولا هيبة لحد، ترى الديرة عازة الكل و الله لاأيب اليوم اللي نقول فيه لعيالنا، أول يوم كنا بالكويت.....
الله يعزج يا ديرتنا و يوفق حكامنا لما فيه خير لج.. آمين
ترى انت مداحرني مداحر ما صار و لا استوى كل ما ابي انزل بوست الاقيك تتكلم عن النقاط اللي ابيه
ReplyDeleteخلاص بصكر المدونة و اشتغل تعليقات نفس اللي توهم مسجلين
هههههههههههههه
بعد نظر هذا اللي بقوله بس لاتحدنمي اتعدى الخطوط الحمر
خو الديرة كلها صارت خطوط حمر
و تكفى شيل كلمة التعريف ما ادري التاكيد
سلام يالغالي:
ReplyDeleteوالله مو قصدي ترى :)...
بس اتوقع هذا يسمون توارد خواطر ليس إلا....
او بالنسبة للخطوط الحمر، صدقت والله كل شي بهالديرة صار خط أحمر(من رئيس مجلس الوزراء، مروراً بالبورصة ونت نازل)
اشيل إلي تبيه أفا عليك ، بس ماني عارف شنو تقصد بالتأكيد؟