احترامي للحرامي

بما إن احنا مقبلين على حكومة جديده و مجلس جديد حبيت أكون أول المهنئين و المباركين لهم و أهدي لهم هالقصيدة جود إتساعدم على أداء واجبهم على أكمل وجه و علشان محد يستحي منهم، و بالمبارك مقدماً، منكم ولا شي و من ديرتنا المال و العيال

احترامي للحرامي

إحترامي .. للحرامي.....
صاحب المجد العصامي ..
صبر مع حنكة وحيطة ..
وابتدا بسرقة بسيطة ..
وبعدها سرقة بسيطة ..
وبعدها تَعدى محيطه ..
وصار في الصف الأمامي .. !
احترامي .. للحرامي

احترامي .. للحرامي ..
صاحب المجد العصامي ..
صاحب النفس العفيفة ..
صاحب اليد النظيفة ..
جاب هالثروة المخيفة ..
من معاشه في الوظيفة ..
وصار في الصف الأمامي ..
احترامي .. للحرامي

احترامي .. للحرامي ..
صاحب المجد العصامي ..
يولي تطبيق النظام ..
أولوية واهتمام ..
ما يقرب للحرام ..
إلا في جنح الظلام ..
صار في الصف الأمامي..
احترامي .. للحرامي

احترامي .. للحرامي ..
صاحب المجد العصامي ..
يسرق بهمة دؤوبة ..
يكدح ويملى جيوبه ..
يعرق ويرجي المثوبة ..
ما يخاف من العقوبة ..
صار في الصف الأمامي
احترامي .. للحرامي

احترامي .. للحرامي ..
صاحب المجد العصامي ..
صار يحكي في الفضا ..
عن نزاهة ما مضى ..
وكيف آمن بالقضا ..
وغير حقه ما ارتضى ..
صار في الصف الأمامي ..
احترامي .. للحرامي ..
احترامي للنكوص ..
عن قوانين ونصوص ..
احترامي للفساد ..
وأكل أموال العباد ..
والجشع والازدياد ..
والتحول في البلاد ..
من عمومي للخصوص ..
احترامي للصوص
احترامي .. للحرامي

و اللي ما يبي يقرأ خل يسمع